المركز الهندسي للمقاولات والتدريب
أهلا بك زائرا أو عضوا في المنتدي
نحن دائما ......... معكم وبكم ........

مع تحيات مدير المركز
01141075568
المركز الهندسي للمقاولات والتدريب
أهلا بك زائرا أو عضوا في المنتدي
نحن دائما ......... معكم وبكم ........

مع تحيات مدير المركز
01141075568
المركز الهندسي للمقاولات والتدريب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

المركز الهندسي للمقاولات والتدريب

يقوم المركز بتوريد وتركيب جميع الاعمال الكهربية وكذلك تدريب مهندسين الكهرباء الراغبين في تطوير مستواهم المادي والعلمي عن طريق دورات تدريبية وعملية في ميدان العمل للوصول بالعمل الهندسي في مجال الكهرباء لأعلي مستوي
 
الرئيسيةالرئيسية  البوابةالبوابة  أحدث الصورأحدث الصور  التسجيلالتسجيل  دخولدخول  

 

 اجراءات ما قبل التأشيرة للسفرللسعودية

اذهب الى الأسفل 
كاتب الموضوعرسالة
Admin
Admin
Admin


عدد المساهمات : 117
نقاط : 241
تاريخ التسجيل : 13/08/2011
العمر : 43

اجراءات ما قبل التأشيرة للسفرللسعودية Empty
مُساهمةموضوع: اجراءات ما قبل التأشيرة للسفرللسعودية   اجراءات ما قبل التأشيرة للسفرللسعودية Emptyالثلاثاء نوفمبر 15, 2011 7:29 pm

انا وجدت ان في ناس كتير لايصه في موضوع اجراءات تاشيره العمل بتاعه السعوديه عشان كده هاعمل الملف ده خطوه خطوه


1-بعد ما الكفيل يكلمك في التليفون انك اتقبلت ونجحت في المقابله يروح هو باعت جواب الوكاله علي مكتب السفريات الي بيتعامل معاه في مصر + العقد 0(القنصليه لا تتعامل مع افراد انما مع مكاتب التسفير المعتمده لديها فقط)
2-تروح المكتب وتمضي العقد وتاخده معاك عشان تروح التامينات تغير البطاقه بالمهنه اللي في العقد عشان لازم المهنه تطابق مع الجواز
3-تروح التامينات في شارع الالفي وتروح تامينات العاملين بالخارج وتدفع 80 دولار وتكون جايب معاك ورق بطاقه مستعجل من العباسيه ب75 جنيه(بتطلع بعد 3 ايام) عشان يتختم بس في مشكله هنا لو انت في شركه خاصه ومتأمن عليك لازم تطلع من التامينات بتاعتها ولو في الحكومه يبقي لازم اجازه.
4-بعد كده تاخد ورق البطاقه المختوم وتروح العباسيه وبعد3 ايام تاخد البطاقه الجديده bravo.gif مبروك يا نجم
5-تروح للجوازات اللي انت تبعها وتاخد صورتين خلفيه بيضاء ولو معاك الباسبور القديم تاخده عشان يتلغي وتطلع البازابورت المميكن الجديد بتاع البني أدمين وتدفع 110 جنيه وتاخده بعد يومين
6-في اليومين دول تروح الجامعه توثق الشهاده بتاعتك من امين عام الجامعه ولو انت طب او صيدله لازم الشهاده الكارتون غير كده ممكن المؤقته
7-بعد الجامعه تروح اي مكتب تصديق للخارجيه وتدفع 11 جنيه وتاخد الشهاده
8-غالبا هتلاقي المهنه لاتناسب المؤهل الدراسي بتاعك يبقي لازم شهاده خبره ودي تشوفلك اي حد معاه سجل تجاري وتاخده الشهر العقاري وتكون مظبط شهاده خبره بنفس المسمي الوظيفي ولازم يكون السجل متجدد وبعد كده تروح الخارجيه توثقها زي الشهاده. وفي خطوه كمان مكتب السفريات بيعملها في الحاله دي انه يجيب جواب من الكفيل انه عارف ان مؤهلك غير المهنه بس هو عايزك انت بالذات هما معاهم صيغه معروفه.
9-بعض المهن تحناج شهاده قياس مهاره ودي تروح مكتب العمل تعملها وغالبا المهن دي زي فني اي حاجه او عامل اي حاجه تحتاج مهاره زي ميكانيكي ومبيض..... الخ
10-اخ احنا نسينا الجواز زمانه اتحرق اوكي تروح الجوازات تاخد الباسبور وبعد كده تاخد الورق ده كله في زكيبه وتروح مكتب السفريات.
11-مكتب السفريات هايعملك تسجيل علي النت بتاع شركه التاشيرات الالكترونيه الجديده انجاز ويديلك الرقم
12-تاخد الرقم وتروح بيها معامل وزاره الصحه بشارع الشيخ ريحان (تنزل مخطه مترو السادات وتسأل هناك)عشان تحليل الفيروس وتدفع 120 جنيه وصورتين خلفيه بيضاء
13-بعد مايخدوا العينه هايدولك كارت تستلم بيه بعد 3 ايام وطبعا من غير ما اقول لازم تكون هناك الساعه 8 او 8.30 عشان تكون علي الساعه 10 او 11 مخلص بعد كده تطلع تتمشي من الوزاره الي شركه جامكا GAMCA في 6 شارعه عاءشه التيموريه بجاردن سيتي امام قسم قصر النيل هاتديهم الباسبور علي الباب وتقعد 10 دقايق وبعدين هايدولك جواب تحويل لمستشفي من خمس مستشفيات تبعهم
14-تاخد الجواب وتروح المستشفي اللي كاتبينها في الجواب وتروح المستشفي وتدفع 180 جنيه ويعملولك شويه تحاليل وكشف نظر وباطنه ويقلعوك البنطلون اي والله مش عارف ده كشف ايه وتاني يوم تيجي تاخد النتيجه وممكن تخليها مع نتيجه الفيروس عشان يبقي مشوار واحد
15-شوفت نسبنا ايه يامعلم ... الفيش تروح بصورتين خلفيه بيضاء تعمل فيش وتكتب فيه الغرض السفر للسعوديه
16-تجيب زكيبه تانيه غير الاولانيه اللي اتملت وتعبي بقيت الورق وتطلع علي مكتب السفريات وتديله 3صور خلفيه بيضاء
17-المكتب يقدم الورق للقنصليه يوم الاحد او التلات والتأشيره تاخدلها 10 ايام وبعد يومين من التقديم لو ما اترفضش الورق يبقي كده تمام.
[الي اللقاء في الجزء التاني ....... اجراءات ما بعد التأشيره[]
الرجوع الى أعلى الصفحة اذهب الى الأسفل
https://engineeringcenter.3rab.pro
 
اجراءات ما قبل التأشيرة للسفرللسعودية
الرجوع الى أعلى الصفحة 
صفحة 1 من اصل 1
 مواضيع مماثلة
-
»  اجراءات مابعد التأشيرة للسعودية

صلاحيات هذا المنتدى:لاتستطيع الرد على المواضيع في هذا المنتدى
المركز الهندسي للمقاولات والتدريب  :: منتدي الوظائف الخالية وطلبات العمل-
انتقل الى: