الجانب الفني TECHNICAL PART
............................................................................................
يجب أن تكون ملما بمعظم المعلومات الفنية التي يحتاجها مهندس المكتب الفني والتي سنسردها فيما بعد علي مدي الشرح المتواصل معكم .
هنبدأ النهارده بكراسات الشروط
لما تيجي لك كراسة الشروط والرسومات لمشروع معين هتعمل الاتي ( ليس بالضبط ولكن علي قدر الاجتهاد بالترتيب ) كالاتي :-
1:- اقرأ كراسة الشروط جيدا وخد بالك من الشروط المالية وكيفية الدفع لانها مهمة جدا وايه اللي ليك وايه اللي عليك وقيمة الضرائب التي ستخصم من شركتك اجماليا ويجب اضافتها علي تسعير المشروع وكذلك اذا كان مطلوب توفير سيارة للاستشاري من عدمه وكذلك مصاريف الاختبارات ان وجدت ......الخ
2:- ابدأ انظر في الرسومات جيدا وشوف ايه اللي هيتعمل بالظبط وكيفية تنفيذه ولو ليك استفسار في الرسومات اتصل علطول بالمهندس المسئول عن الاستفسارات أو اكتبها في كشكول وجهزها لجلسة الاستفسارات ان كان فيه جلسة استفسارات واذا لم يكن هناك جلسة استفسارات فسيكون هناك مهندس مسئول عن الاستفسارات الفنية .
3:- ابدأ اقرأالبنود ( بنود المقايسة ) بند بند بالراحة وعلي مهلك للوقوف علي كل كلمة وجملة فيها لتعرف بالضبط ما هو المطلوب اتمامه في هذا البند ( هل البند توريد فقط .. ولا توريد وتركيب .. ولا تركيب فقط ... وكمان لازم تبقي عارف كويس لستة الموردين المعتمدة لدي الاستشاري او المالك أو الشركة صاحبة المشروع .
وهنتكلم عن لستة أو قائمة الموردين بعدين ..
4:- اذا كنت تحتاج حصر كميات ( اعمل حصر كميات ).
وهنتكلم عنه بالتفصيل لاحقا .
5:- ابدأ اعمل تحليل سعر لكل بند علي حده (
هنتكلم عنه بالتفصيل ايضا )
6:- شوف ايه المصاريف العامة اللي ممكن تصرفها علي المشروع واجمعها لوحدها زي ( مرتبات المهندسين ومرتبات المشرفين وسيارة التنقلات ومصاريف الاختبارات وطباعة الرسومات و........... الخ ) واجمعها لوحدها في مبلغ علي جنب .
.........................................................................................
المرة الجاية ان شاء الله هنتكلم عن
قائمة الموردين
حصر الكميات
تحليل سعر بنود المناقصة
......................................................................................
سبحانك اللهم وبحمدك نشهد ان لا اله الا انت .. نستغفرك ونتوب اليك
الرئيسية 
البوابة 
أحدث الصور 
